Hai máis dun ano que o mundo decidiu que tanto tempo dando a tua luz e o teu son aos mariñeiros de toda a terra, tiña que ter o seu merecido recoñecemento.
E así caladiña, coma sempre estiveches, recibiches o teu agasallo. Nomearonte "Patrimonio da Humanidade".
Torre de Hércules, se estiveses colocadiña noutro lugar, estou moi segura, segurísima, que hai moito tempo que terías o teu regalo, pero nós os galegos, somos de este xeito.
Temos as mellores praías do mundo e non falamos delas, temos as millores paisaxes e tampouco damoslle o que se merecen, monumentos de todo tipo e estilo, catedrais, pazos, casonas solariegas, pallozas, hórreos, pombares, pontes, murallas, acueductos... todo o que podamos imaxinar.Por ter,están nesta tera as mellores carnes, peixes e mariscos e tamén calamos...
Non hai nada por eses lares que non podamos atopar na nosa terra, mar, montes, ríos, prados, terras chás e o millor de todo a súa xente.
Esa xente que cando o pelegrín percorre O Camiño non acaba de dar loubanzas.
E todo isto e natureza e traballo de tod@s os galegos que ao longo de nosos tempos estivemos aquí o emigramos a outros lares moi lonxanos, e acabando sempre volvendo a súa terra, aínda que sò sexa para descansar.
Entòn, pregúntome: Por que tendo tanto de todo, somos tan calados?Non presumimos do noso, quedamos quedos, silandeiros, coma senòn fose con nós.
Por por unha vez na vida o pobo espertou do seu ostracismo e loitou por aquilo que consideraba era xusto. Grazas a tí, a tua beleza, a tu saber estar a carón da mar tantos e tantos séculos recibimos TOD@s ese premio, recoñecemento de ser a ÚNICA torre ou faro romano en funcionamento do mundo.
Cada día que paseo coa miña cadeliña preto de tí enorgullezcome de ser coruñesa e coma non, galega. Non podería cambear estas terras por nada e aos meus paisanos por ninguén.
http://graficos.lainformacion.com/arte-cultura-y-espectaculos/monumentos-y-patrimonio-nacional/visita-a-la-torre-de-hercules_AGVOxL0E4ntIHguvKeTGZ6/
http://blogs.lainformacion.com/megafotos/2009/06/25/torre-de-hercules/
No hay comentarios.:
Publicar un comentario